May nabasa kasi ako sa newsfeed ko na, I love you, you are mine. Nainis ako ng kaunti.


Ang pagibig ay hindi nagkukulong, hindi magkukulong
dahil ito ay malaya, ito ay patuloy na magpapalaya

Ang pag ibig ay isang misteryo na habang inaalam mo lalo kang naguguluhan.

Naguguluhan pero may kapayapaan. Payapa, tulad ng tuldok sa dulo ng pangungusap ng isang makata.

Ang pag ibig ay parang libro na sa pagbuklat mo ng bawat pahina naglalaban ang ideya na kung itutuloy mo pa bang basahin o damhin mo na lang ang mga nabasa mo na. May kaunting takot, hindi ka sigurado sa maaring kahihinatnan pero  sigurado ka na kaya mong gawin iyon dahil ikaw ay umiibig. Hindi sa pamamagitan ng pangunguna ng iyong puso kung hindi paghanap ng tamang balanseng pag gamit ng utak at puso. Alam mo kung kailan iiyak at kailan tatahan kahit na hindi mo alam kung kailan ka masasaktan.

…ang pag-ibig ay masakit, maari kang magdusa, mahirapan. Pero ang pait na ito ay may tamis na kaagapay para maniwala ka pang may pag-asa.

Hindi mo mahahanap ang pag-ibig sa mga maling lugar, ni hindi mo nga ito maaring hanapin dahil hindi naman ito nawawala. Sa katunayan, ang pag-ibig ang naghahanap sayo. Maaaring nahanap ka na, nag hihintay lang… masasabi kong ang pag-ibig ay marunong mang hintay, alam niya kung kailan siya hihindi at kailangan siya papayag. Alam niya kung kailan mas maiging tumahimik kesa mag ingay. Alam niya kung kailan lalaban at kung kailan hihingi ng kaagapay.

Ang mga katagang “Mahal kita, akin ka lang” ay isa sa mga napaka makasariling kataga na naimbento natin dahil sa takot nating hindi makuha ang gusto natin. Kung ikaw ako, hindi ko yan sasabihin. Hindi yan malambing, ni walang bakas ng pag ibig ang mga salitang iyan. Bakit? Ano ang alam ko?

Hindi ka gamit, walang pwedeng umagkin sayo dahil sarili mo nga ay hindi mo pag aari. Hindi ka pwedeng angkinin ng isang nilalalang dahil hindi ka nabibili. Mga nabibili lang ba ang naangkin? Hindi. Pero hindi ka maaring angkinin at hindi ka
kayang bilhin.

Ang pag-ibig ay hindi pag aari. Walang nag mamay ari sa iyo.

aaaa

Desisyon mong magmahal, may mahalin. Walang mag uudyok sayo, walang pipigil sayo. Intindihin mo lang ang ibig sabihin ng pag-ibig. Intindihin mo lang. Hindi mo aalamin lang, iintindihin mo.

Ang pag ibig ay parang mapupungay mong mga mata

Hindi humihinto, laging nabibigla.

Nabibigla pero handa, maaring kumurap pero hindi nanghihina.

One Response to “May nabasa kasi ako sa newsfeed ko na, I love you, you are mine. Nainis ako ng kaunti.”

  1. Agree!🙂 Nice nice!🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: